Mga tindahan ng paputok sa Bocaue, ipinasara muna

BOCAUE, BULACAN - Ipinag-utos ng lokal na pamahalaan ng Bocaue ang pansamantalang pagpapasara sa mga tindahan ng paputok sa kanilang nasasakupan.

Iyan ay kasunod ng malagim na pagsabog kahapon ng isa sa mga tindahan doon na ikinamatay ng maraming iba pa.

Nakiusap na ang lokal na pamahalaan sa mga nagnenegosyo at nagbebenta ng paputok na itigil na muna ang kanilang pagtitindia habang pinag-aaralan pa ang mga safety measures para hindi na maulit ang mga kahalintulad na insidente.

Aminado naman ang alkalde na mahirap na basta na lamang ipatigil ang industriya ng paputok sa kanilang bayan dahil ito na ang ikinabubuhay ng maraming residente.